GAZÎ Û QİRÎN E

Nav berê min de jan û birîn e
Ser axa min de gazî û qêrîn e!
Ez ber gullan ez ber topan im
Axa min de hewara kurdan e ..

Hewar hewar daê dîsa hewar
Agir me barandin war û war
Mije û dûmane li me şewat e
Me tevkujiye hewar û hewar!

Hatin gur bi wawîk tev hatin
Ew hemûyan jî tim zordestin
Şerm û fedî rêya rastî nizanin
Ew rom in ew ereb û ecem in..

Neyarê min xayîn û mêrkujin
Nav barê wan de tank û topin
Ew bêbext in tim bêwijdan in
Hemû jî dijminên xwînxwarin!

Ev çi hale ev çi rewşe ser min
Feryad û fîxan xistin nav min
Di dîsa çep û rast min dikojin
Dîsa jî zor û zordestî didin min

Ez bingeha jiyana dinyaê me
Dergûşa şarezaya cîhan ê me
Ez gulan û gîyana dihewînim
Ez bihurka ronahîya azadîyê me

Hemû gelê welatan min dizanin
Şêmûga zanyarîyê me bizanibin!
Neyarê min hun dev min berdin
Ez Kurdîstan û ez axa kurdan im


Ez Hewlêrim can ez mihebet im
Ez serîhildan û ez berxwedan im
Ez Dêrsim ez Dilok ez Amed im
Ez welatê gelan û axa kurdan im

Mehmet Çobanoglu
22.06.2009
yildirim