DAYÎKA BERFO

DAYÎKA BERFO

Eman eman Mêrdînik navçeke pir bilinde
Dorhêlên wî berfe, mije û dûmane
Ew Bihar û Havîn çîye? bîr kiriye nizane
Dayîka Cemîl tim perîşane dinalîne.

Ev Qers’a şewitî jî bajareke bê xêre
Ser gundê Oxçî’yê de girtin leşkerên hovin
Derî lêdan Cemîl heldan birin ev çi hale?
Ax, wax agir xistin nav dêlê dayîka Berfo.

Ne Havîn’e ne Bihar’e dîsa dem Paîz’e
Bi lawê ciwan qêrîn û qijîne got “daê…
Ên hatin derê me leşker û cerdên Rom’ê ne”
Wan Cemîl birin, dilê xaltîya Berfo zize.

Fermane fermane û mêrkujê me Evren’e
Çerx jî bi çerxa faşîstan û qeleşane
Erdexan, Qaqizman û Îdir navçên Kurdan e
Cemîl birin Erzerom’ê dibe ku kuştine.

Dayîkê xaltîya Berfo wax dil te qetandin
Ciwanê şoreşger Cemîl heval girtin birin
Ev cara dawîye tu bi Cemîl’ê xwe çav çavane
Hemêzke lawê xwen dibin! dibe ku qet neyê

Navçe Qers’ê Erdexan pir mije û dûmane
Şoreşger rabûn piyan Cemîl jî li tev wane
Naxwazin patron û axan leşkerên faşîstan
Xwestinên wan rizgarî, biratî û azadî ye

Ez qijikê daîkê birije her çavê min
Bi tank û topan hatin êrîşên Rom’ê ye
Ketin nav gundê we gotin”evder Oxçî ye”
Ax xaltîya Berfo Cemîl’ê te kişandin birin

Ez qurbana serîhildana wan şoreşgeran
Hemû egîdên gelênin li vê dozê de
Dayîka Berfo berxwedan jiyana gelan e
Cemîl’ê te birin Cemîl xortê me Kurdan e

Ax daê destê xwe bide min ez destê te ramîsim
Lê dil birînê çav rondikê daîka Cemîl
Gedê te hildan birin rê dûre roj me şîne
Egîd Cemîl endamê DEV-YOL lawê Kurdan e

Dayîka Berfo dest berde bi xem û xeyalan
Megrî megrî daê bo xatirê hemû hevalan
Ên birin hê nehatin, ên çûn jî ser çiyanin
Ên nemirîn namirin ew şoreşgerên menin

Oxçî hemberê Mêrdînik’ê gundê Kurdan e
Peşberê wî rast e nav de dengê qulingane
Gotin”Cemîl heval birin dewleta Tirkan e”
Dayîka Berfo salane hêvîya Cemîl’e

Welato welatê bindest welatê rebenok
Agir,şewat xistin nav dilê daîka Berfo
Cemîl Kirbayir heval bi nîvê şevê birin
Xemgîniya Memê Qaqizman’ê ye lo dilo

Mehmet Çobanoglu
02.09.2011
Yildirim