QESRA BİRATÎ’YÊ

QESRA BİRATÎ’YÊ

Dilê min qesra evînîyê ye,
Hesê min jî tê de dixulxulin
Wek şewla roja azadîyê!
Wek germa Havîn’an…
Wek kenê ser rûyê zarokan xweş vedidin,
Wek tovên gul û kulîlkan
Nav axa reş de aj didin bi şadî û geş î
Tim jî bêkeser û bêagahî û bêxem…
Ez wusa welatê me dixwazim dîsa!
Wek zarokên ber memikên dayika xwe şîr dxwaze,
Ez jî wusa ax me dixwazim bi dil û can dîsa.

Dilê min zîndana Amed’ê ye,
Warê hemû darazxwaran e,
Agir û şewatên dilê dayikan e!
Hêstirên çavê min jî her dem navde,
Jî bo hebûna jîyanê û bo hebûna gelan re…
Hûr bi hûr dibarin li ser min de dîsa
Nav kendên dêmê min de diherikîn pêl û pêl,
Wek germaîya roja azadîyê wek germa singê dayikan!
Wek berxwedanan egît û mêrxasan,
Wek têkoşîna lehengan û hevalan wek hewldanan hemû gelan.
Ez jî wusa axa me û azadîya me dixwazim dîsa.

Dilê min welatê serbestîyê ye,
Wekhevîyê, biratîyê…
Dilgeşîyê û warê aştîyê ye!
Dijî mêrkujan û hovan û bênamûsan e
Wek şoreşgera Civakparêz’i…
Tim azadî dixwaze dîsa
Dili min warê Mirtib’an û Kiptî’yan, Ermenî’yan
Cihûdan, Marîsan û Misilmanan’e
Warê gelên Tirkan, Ereb û Ecem’an e
Gelan re biratî dixwaze, Kurdan re jî ax!
Bo me gelên Dinya ê re birati dixwaze dîsa.

Dilê min kanî ya dostan e,
Çem û robarên me gelan e
Dilê min wargehê rûmetîyê û şanazîyê…
Şewlê nav stêrên şevan e!
Roj e û tim ronahîy e
Gizingên serê siban û şeveqan,
Rengê gulan û tama hingivan e.
Dilê min hemû gelan re jî amadeye,
Kedkaran, karkeran û gundîyan re
Şoreşi dixwaze!
Dişibe şerê rizgariyan Kurdan
Tim axa azad dixwaze bo gelên me,
Zimanê bêqedexe û serefirazî…
Qesra biratî’yê ye Kurdan re ax ê dixwaze dîsa.

Mehmet Çobanoglu
05.01.2011
Yildirim